Torres Strait Creole

E-gad ol diffren kain rezan where 'natha pi-pol trit-e yu-me with discrimination. For dem kain rezan ya:

  • Sex - If ol man nor wandé o-man gad sem kain rights.
  • Relationship status -Yu gad rights if yu single,if yu marr-ed,or if yu two keep.
  • Pregnancy - E-kan discriminate gnst yu if o-man pamlé.
  • Parental Status - Ol kan discriminate gnst yu if yu gad pikanini.
  • Breastfeeding - E gad rights phor pikanini kai-kai su-su.
  • Age - E-kan discriminate gnst yu if yu owlé or small pikanini – or wa-né aze yu.
  • Impairment - Ol kan discriminate gnst yu if yu si-down where wheelchair, or if yu kan lesen prupa, or if yu kan luk or if yu matha gad wan ahn.
  • Race - E kan discriminate gnst yu if yu Ilan man or no-mata wa-né race or culture bló yu.
  • Political Belief/Activity –Wa-né political party yu stap, that wa'n right bló yu.
  • Religion - Wa-né church or religion yu stap – that wa'n right bló yu.
  • Trade Union Activity –If yu member bló Union – that wa'n right bló yu.
  • Sexuality – Wan-né privet biz-niz betwin man and o-man, or man and man, or o-man and o-man, that w'an right bló dem-pla.
  • Family responsibilities - If yu wandé luk out cloz pamlé – wa-sé pikanini, até, aka or authdé,that wa'n right bló yu. You got rights for luk out pamlé.
  • Gender identity - If man wandé changé life bló 'em and live life bló 'em same kain wa-sé o-man, that wa'n right bló 'em. Ahg, same kain for o-man. If o-man wandé live life bló 'em same kain wa-sé man, that wa'n right bló 'em.
  • Lawful sexual activity - If man or o-man wandé sellé body bló 'em for money - that wa'n right bló 'em.

But – E mas hap-n dem place ya:

  • Where yu wok
  • Inside School place
  • If yu go' for rent-e' 'ouse
  • If somebody nor wandé serve yu where shop or 'natha place, wa-sé nightclub.

So – Wis Kain You Go Mek-em?

  1. Phone Anti-Discrimination Commission – 1300 130 670
  2. E gad more information bló sexual harassment, ahg – bló; vilification – regarding race or religion or sexuality or gender identity.
  3. Off-es bló mip-la sta'p Cairns, Townsville, Rockhampton, Brisbane
  4. gad ol kain information stap dem off-es.

Version : July 2003